Home / ජීවීතය සුන්දරද / ඇඟ හැඩ ගත හැකි ආහාර

ඇඟ හැඩ ගත හැකි ආහාර

2019-01-18 11:12:00       331
feature-top
කාන්තාවන් තමාගේ රුව පිළිබඳව අවධානය යොමු කිරීමේදී මුහුණ, හිසකෙස්‌, සම පිළිබඳව මෙන්ම සිරුරේ හැඩය පිළිබඳවත් විමසා බැලීමට වර්තමානයේ යොමුවී ඇත.
 
 එනිසා කාන්තාවෝ තමාගේ සිරුර නිසි ලෙස පවත්වාගෙන යාම සඳහා දවසේ ප්‍රධාන ආහාර වේල් තුනෙන් රාත්‍රී ආහාර නොගනිති.
 
 තවත් අය සිරුර මහත්වෙනවා යෑයි කියා මස්‌ මාළු ආහාරයට නොගෙන එළවළු පමණක්‌ ආහාරයට ගෙන නිර්මාංශව සිටීමට උත්සාහ ගනිති.
 
 වෛද්‍යතුමනි නාඩි වෛද්‍ය විද්‍යාව අනුව කාන්තාවකගේ රුව රැක ගැනීම සඳහා සිරුරේ හැඩය පාලනය කරගන්නේ කෙසේද?
 
 සෑම කාන්තාවකටම තමාගේ පෙර කු=සල් අනුව උරුම වූ සිරුරේ හැඩයක්‌ තිබෙනවා. එනිසා තමයි සෑම කාන්තාවකටම එක සමාන ශරීර හැඩයක්‌ සහ රූපයක්‌ නොමැතිවී තිබෙන්නෙ. එකම පවුලේ වුවත් ගැහැණු දරුවන් තිදෙනකු එක සමානව උපදින්නේ නැහැ. මෙලොව උපදින කිසිම කාන්තාවක්‌ අවලස්‌සන නැහැ. අප බොහෝ දෙනකුට මතුවී තිබෙන ගැටලුව වී ඇත්තේ හිමිවූ රූපය අන් අයට ප්‍රසන්න වන ආකාරයෙන් පවත්වාගෙන යන්නේ කෙසේද පිළිබඳවයි.
 
 එනිසා කිසිම කාන්තාවක්‌ තමාගේ රූපය ආරක්‌ෂා කර ගැනීමට දවසේ ප්‍රධාන ආහාර වේල් තුනෙන් එකක්‌ හෝ නොගෙන සිටීම හොඳ නැහැ.
 
 බොහෝ දෙනෙක්‌ ආහාර පාලනය කරන්නේ ශරීරයේ බර වැඩිවූ විටයි. එවිට සිරුර මහත්වීමක්‌ දක්‌නට ලැබේ. එහිදී කාන්තාවන් වහාම අවධානය යොමු කරන්නේ ආහාර වේල් ගණන අඩුකිරීමටයි.
 
 සෘෂි නාඩි වෛද්‍යවරුන් පවසා ඇති පරිදි උදැසන ආහාර වේල ගැනීම තුළින් ශරීරය ප්‍රබෝධමත් වෙනවා. දිවා ආහාර වේල ගැනීමෙන් ශරීරයේ කාර්යක්‌ෂම වෙනවා. රාත්‍රි ආහාර වේල ගැනීම තුළින් සුව බර නින්දකට අවශ්‍ය පසුබිම සකස්‌ වෙනවා. ඉතිං... අප ආහාර වේල් තුනෙන් එකක්‌ හෝ නොගෙන සිටියොත් සිදුවන්නේ සිරුරේ නිරෝගීමත් බව නැතිවීමයි. එනිසා අප අවධානය යොමු කළ යුත්තේ දවසේ ප්‍රධාන ආහාර වේල් තුන නිසි පෝෂණ ගුණයෙන් යුක්‌තව ගැනීමටයි.
 
 උදැසන ආහාර වේල සඳහා කඩල, කවුපි, මුංඇට, කුරක්‌කන් වැනි ධාන්‍ය වර්ගයක්‌ හෝ එම ධාන්‍ය වර්ග යොදාගෙන සකස්‌ කරගත් ආහාරයක්‌ ගැනීම කළ හැකියි. දහවල් ආහාර වේලට තම්බාපු හාලේ බතක්‌, එළවළුවක්‌, මැල්ලුමක්‌ සහ තමුන් කැමැති මස්‌ මාළුවක්‌ එක්‌කර ගත හැකියි.
 
 රාත්‍රියට රොටි, පිට්‌ටු, ආප්ප වැනි සැහැල්ලු ආහාරයක්‌ ගැනීම සුදුසුයි. හැබැයි එම ආහාර වේල රාත්‍ර්‍රs 7.00 ට පෙර ගැනීමට අවධානයක්‌ යොමු කළ යුතුයි.
 
 මෙලෙස ප්‍රධාන ආහාර වේල් තුන ගන්නා අතර පලතුරු ආහාරයට ගැනීමත් අත්‍යාවශ්‍යයි. විශේෂයෙන්ම වෙරළු, අඹ, ගස්‌ලබු, ලාවුළු වැනි පලතුරු වර්ග ආහාරයට ගැනීමෙන් සිරුරේ තැන්පත් වන අනවශ්‍ය සීනි, මේදය අඩු කරගත හැකියි.
 
 වෛද්‍යතුමනි මෙවැනි ආහාර පාන ගන්නා අතර සිරුර හැඩ කරගත හැකි ඖෂධීය පාන වර්ග මොනවාද?
 
 අද බොහෝ දෙනා සිරුර හැඩවෙන්න කියා පානය කරන්නේ තමා දවසේ ගත් ආහාර වේල්හි ඇති පෝෂ්‍ය ද්‍රව්‍ය ශරීරයට උරා ගැනීම වළක්‌වාලමින් මළපහ ලෙස පිටවීමට උපකාරී වන ඖෂධ වර්ගයි.
 
 බොන පාන වර්ග දිගු කාලයක්‌ ගැනීමෙන් සිදුවන්නේ ඔවුන්ගේ ශරීරය කෙට්‌ටුවීමත් සමඟ මන්ද පෝෂණයට ලක්‌ව සිරුර දුර්වල වීමයි. එවැනි පාන වර්ග වෙනුවට ශරීරයට ගුණදායී පානයක්‌ සකසා ගෙන දිනපතා ගත හැකි උපදෙස්‌ ලබාදිය හැකියි.
 
 ඒ සඳහා කහට ගෙඩි යුෂ කෝප්ප 03 ක්‌ අමු නෙල්ලි යුෂ කෝප්ප 03 ක්‌, බුළු කුඩු තේ හැඳි 03 ක්‌, කුරුඳු කුඩු තේ හැඳි 03 ක්‌, ගස්‌ ලබු ඇට කුඩු තේ හැදි 03 ක්‌, පොල් වතුර කෝප්ප 03 ක්‌, සුදු හඳුන් පිටි තේ හැඳි 03 ක්‌ අමුක්‌කරා පිටි තේ හැඳි 03 ක්‌ තිප්පිලි කුඩු තේ හැඳි 03 ක්‌, වෙනිවැල්ගැට කුඩු තේ හැඳි 03 ක්‌ ගෙන හොඳින් සියල්ල මිශ්‍ර කරගෙන පිරිසිදු ජලය කෝප්ප 03 ක්‌ එකතු කරගෙන මැටි මුට්‌ටියක දමා හොඳින් තම්බාගෙන එක්‌ අඬු කෝප්පයක ප්‍රමාණයකට හිඳුවාගෙන උදේට පානය කරන්න.
 
 මෙය මාසයක්‌ පමණ පානය කරනවිට සම පැහැපත්වීම, ආහාර ජීර්ණ ආබාධ දුරුවීම හොඳින් මළපහ සිදුවීම ආදිය සිදුවේවි. එවිට සිරුරේ හැඩයත් පාලනය කරගත හැකියි.

උපුටා ගැනීම දිවයින පුවත් පත ඇසුරෙනි

More News »